ქეცბაია, ელექტრო სკამი და ისტორიული შედეგის გამეორების შანსი

წლების წინ მას ელექტრო სკამი უწოდეს. ადგილი, რომელმაც არასრული 22 წლის მანძილზე 15 მწვრთნელს გამოუყვანა წირვა. ვინც მასზე დაჯდა პროფესიულად აქამდე არ გაუხარია. ზოგმა უსახურ "ორდუსპორში" გააგრძელა კარიერა, ზოგი გარდაიცვალა, ზოგიერთი ისე დაიკარგა, რომ კვალიც ვერსად ნახეს, ზოგმაც ვენახი შეიძინა და ცხოვრებით ტკბება. მხოლოდ ერთმა შეძლო, რენომე აღედგინა და აფრიკის არც თუ გამორჩეული ნაკრები კონტინენტის უძლიერესთან რიგებში ჩაეწერა.

გასულ კვირაში ორმა წაგებამ ნაკრების მთვარი მწვრთნელის სკამი შეარყია. სავარძელს კიდევ ერთი დარტყმა შემოდგომის პირველ დღეებში ელის, როდესაც ჩვენი უპირველესი გუნდი საფრანგეთთან გავა საჭიდაოდ. მანამდე კი ხვალინდელი თამაშია. ბელარუსი - ფინეთი და თუ ყველაფერი ლოგიკურად წარიმართა თემურ ქეცბაიას სამწყომ შესაძლოა ქვეჯგუფში მესამე ადგილი დაიკავოს. ქვეჯგუფში მესამე ადგილი - ეს საქართველოს ნაკრების ისტორიაში ის შედეგი იქნება, რომელსაც ჩვენმა გუნდმა მხოლოდ 1996 წელს უწია. იმის მერე კი ბოლო და ბოლოს წინა ადგილზე ტივტივებდა.

თემურ ქეცბაია

10 სექტემბერს ჩვენი ნაკრები შესარჩევ ციკლს ასრულებს. ქეცბაიაც ბედიც ფაქტიურად ამ ორ თამაშზეა დამოკიდებული. ბელარუსი - ფინეთი და საქართველო-ფინეთი. ამ ორი თამაშის სასურველი ანგარიშით დასრულების შემთხვევაში ქეცბაიას ხელში რამოდენიმე კოზირი აღმოჩნდება. ჯგუფში დაკავებული მესამე ადგილი (რეკორდის გამეორება, რომელიც ბოლო 17 წლის მანძილზე ვერც ერთმა მისმა წინამორბედმა ვერ მოახერხა), 2016 წელს საფრანგეთის ფინალურ ეტაპზე მონაწილე გუნდების გაზრდილი რაოდენობა (16-ის ნაცვლად 24 გუნდი) და გაახალგაზრდავებული საქართველოს ნაკრები, სადაც ვეტერანებად ოდენ ზურაბ ხიზანიშვილი და ალექსანდრე ამისულაშვილი ჩაითვლებიან.

სასწორის მეორე პინაზე კი ქეცბაიას და მისი სამწვრთნელო შტაბის მილიონიანი კონტრაქტია. კონტრაქტი 2+2 წლიანი პრინცით არის შედგენილი. ეს კი იმას ნიშნავს, რომ 10 სექტემბრის შემდეგ კონტრაქი უნდა გადაიხედოს და ....

ქეცბაია წარმატებული პიროვნებაა. გამარჯვებულის მენტალიტეტით. ის ლუზერი არასოდეს ყოფილა. არც ფეხბურთელობისას და არც მწვრთნელობის დროს. ფეხბურთელობაში "ნიუკასლის" ფორმა ეცვა. მწვრთნელობაში კი ... ფაქტია, ის ერთადერთი ქართველი მთავარი მწვრთნელია ვისაც კი ოდესმე კლუბი ჩემპიონთა ლიგის ქვეჯგუფში გაუყვანია.

თუ ხვალიდელი თამაში ბელარუსის ნაკრების გამარჯვებით დასრულდა (და სხვა შეხვედრები ალოგიკური სცენარით არ განვითარდა), ხოლო ბოლო თამაშში საქართველომ ფინეთის დამარცხება შეძლო ქეცბაია საუკეთესო პოზიციაში აღმოჩნდება. მწვრთნელი შედეგით ფასდება და ნაკრების მესაჭე ახლოს არის ისტორიული შედეგის გამეორებასთან. ეს მაშინ, როდესაც ნაკრების ფეხბურთელებიდან საუკეთესო კლუბში ოდენ ჯანო ანანიძე თამაშობს და ისიც სათადარიგოთა სკამზეა.

ქეცბაიას ბედი დიდწილად სფფ-ს მენეჯმენტის შეცვლა-არშეცვალზეა დამოკიდებული. თუმცა თუ სიჭინავას ოპოზიციამ შეძლო მისი თავიდან მოშორება, 45 წლის სპეციალისტს ხელში სერიოზული კოზირი ეჭირება - გამეორებული ისტორიული შედეგი, რომელთა მიახლოებაც აქადე ელექტრო სკამზე მჯდომმა 14 სპეციალისტიდან ვერც ერთმა ვერ მოახერხა.

ვაჰიდ ჰალილჰოჯიჩი 

ბლოგის facebook გვერდია - Geofootball